Нууцлалын бодлого
Сүүлд шинэчилсэн: 2026.11.01
- Нэвтрээгүй үед
- Жагсаалт, хадгалсан бараа, гэрийн орц, хадгалсан жор, үнийн сэрэмжлүүлэг, хайлтын түүх зөвхөн таны төхөөрөмж (хөтчийн санах ой) дээр хадгалагдана. Бид тэдгээрийг харахгүй.
- И-мэйлээр нэвтрэх
- Таны и-мэйл хаягийг зөвхөн нэвтрэх код илгээх, таны бүртгэлийг таних зорилгоор ашиглана. Код 15 минутын дотор хүчинтэй бөгөөд бид кодыг өөрийг нь биш, зөвхөн шифрлэсэн хэлбэрээр түр хадгална. Сурталчилгааны и-мэйл илгээхгүй.
- Нэвтэрсэн үед хадгалагдах зүйл
- Жагсаалтын бараа (тоо ширхэг, авсан эсэх), хадгалсан бараа, гэрийн орц, хадгалсан жор, үнийн сэрэмжлүүлэг. Эдгээр нь таны бүртгэлд (Supabase, хамгаалагдсан сервер) хадгалагдаж, зөвхөн та харна.
- AI тогооч
- Асуулт асуухад таны асуулт, гэрийн орц, тухайн жор, орцын үнэ хиймэл оюун ухааны үйлчилгээ рүү илгээгдэнэ. И-мэйл, нэр зэрэг хувийн мэдээлэл илгээгдэхгүй. Өдрийн асуултын хязгаарыг тоолохын тулд асуултын тоог хадгална.
- Бидний ашигладаггүй зүйл
- Зар сурталчилгааны мөрдөлт, гуравдагч талын аналитик, байршил, камер, микрофон ашигладаггүй. Таны мэдээллийг хэнд ч зардаггүй.
- Дэлгүүрийн холбоос
- Дэлгүүрийн сайт руу шилжихэд тухайн дэлгүүрийн нууцлалын бодлого үйлчилнэ.
- Устгах
- Нэвтэрсэн бол Би → Бүртгэлээ устгах товчоор апп дотроос хүссэн үедээ устгана. Устах зүйл: жагсаалт, хадгалсан бараа, гэрийн орц, хадгалсан жор, үнийн сэрэмжлүүлэг, AI тогоочид асуусан асуултын бүртгэл, энэ төхөөрөмж дээрх Үнэ аппын өгөгдөл. Үнэ үнэгүй тул төлбөрийн бүртгэл байхгүй. Нэвтрэх бүртгэл тань (и-мэйл) SIXSENSE LLC-ийн өөр апп ашиглаагүй бол мөн устна, ашиглаж байвал тэр аппад хэвээр үлдэнэ. Нэвтрээгүй бол төхөөрөмж дээрх өгөгдлийг хөтчийн тохиргооноос uneapp.mn сайтын өгөгдлийг цэвэрлэж арилгана. Апп нээгдэхгүй бол нэвтэрсэн и-мэйлээсээ info@uneapp.mn руу бичээрэй, 7 хоногийн дотор устгана.
- Холбоо барих
- info@uneapp.mn